Ríkið á að kaupa

 

Það er ekki spurning að ríkið eigi að kaupa þennan hlut.  Þetta mál verður að vinna vel og vandlega og ekki hratt og illa. Umræðan hefur verið lítil sem engin um þetta mál og afstaða Iðnaðarráðherra í þessu máli er óskyljanleg. Endurnýtanlegar orkuauðlindir eins og jarðhiti og vatnsafl eru gífulega verðmætar fyrir samfélagið og geta framleitt verðmæti i fleiri hundruð ár ef ekki árþúsundir.  Þessar auðlindir verða  að haldast í almanna eign íslendinga. Þrátt fyrir erfiða fjárhagstöðu akkurat í dag, eru þetta framtíðar auðlindir sem eiga eftir að gefa mikinn arð í framtíðinni og ekkert verð er nógu hátt til þess að verja sölu á þessum auðlindum. 

Vill fund með fjármálaráðherra

Athugasemdir

[Sólveig (IP-tala skráð) 19.8.2009 kl. 08:50]

Sammála... Samfylkingin veit ekkert hvert hún er að fara í þessu máli og ég skil ekkert í umhverfisstefnu flokksins því hún breytist eftir vindinum. það er ótrúlegt að Katrín Júlíusdóttir skuli lítast vel á sölu HS-orku og að fulltrúi samfó í stjórn OR hafi setið hjá... ömurlegt.

[Arnar (IP-tala skráð) 19.8.2009 kl. 09:12]

Ég hef hvergi séð eða heyrt neitt haft eftir Katrínu Júlíusdóttir iðnaðarráðherra um þessa tilteknu sölu heldur hefur hún bara verið að benda fólki á lykilstaðreyndir um eignarhald og hvernig það er tryggt.

Með lögum er búið að tryggja að orkuauðlindir í opinberri eigu er ekki hægt að selja, þær verða það áfram að öllu leyti.

Þá er búið að tryggja að dreifikerfin (sérleyfishlutinn) verður að vera að meirihluta í opinberri eigu.

Sveitarfélög eða aðrir opinberir eigendur orkuauðlinda sem ekki treysta sér til að fjármagna sjálfir alla uppbyggingu orkunýtingar mega stofna um slíkt félag og fá að einkafjármagn, t.d. lífeyrissjóðina eins og nú er um rætt. Þá er þeim líka heimilt að semja við einkaaðila um orkuframleiðsluna sem leigja þá nýtingarrétt til að hámarki 65 ára gegn afgjaldi til eigenda. En slíkar ákvarðanir eru ekki teknar nema af opinberum eigendum eða væntanlega lýðræðislega kjörnum fulltrúum þeirra. Á þeim vettvangi takast menn á um hvernig þeir hafa mestan arð af auðlindum í sinni eigu og hvernig þær skuli nýttar í þágu komandi kynslóða.

Þessi lög voru m.a. sett út af þeirri stöðu að Hitaveita Suðurnesja átti orkuauðlindir á Reykjanesskaga og þegar sveitarfélög á svæðinu fóru að selja Geysi Green Energy sinn hlut stóðu stjórnvöld frammi fyrir þeirri stöðu að einkaaðili var kominn með eignarhald á verulegri auðlind. Við lagasetningarferlið tókst að fá yfirlýsingu frá Hitaveitu Suðurnesja um að fyrirtækið myndi fara með sinn hlut í samræmi við þessi lög, þ.e. að auðlindirnar yrðu færðar undir sveitarfélögin og veituhlutinn aðskilinn frá framleiðsluhlutanum.

Ráðherrar í ríkisstjórn eiga líklega erfitt með að reyna að hafa vit fyrir kjörnum fulltrúum í sveitarstjórnum varðandi val á viðsemjendum eða hvort hitt eða þetta fyrirtækið sé heppilegra svo lengi sem farið er að lögum. Sjálfsákvörðunarréttur sveitarfélaga er mjög sterkur.

Þá stendur eftir sú spurning hvort vilji sé til þess að breyta þessum lögum þannig að engir nema opinberir aðilar megi eiga orkuframleiðslufyrirtækin. Það gæti takmarkað verulega alla uppbyggingu og sett verr stödd en orkurík sveitarfélög í vanda. Veit ekki hvort vilji er til þess að hefja þá umræðu nú þegar orkulindirnar sjálfar eru í vari.

[Þórhildur (IP-tala skráð) 19.8.2009 kl. 09:34]

Í frétt mbl.is er tekið fram að "... afstöðu iðnaðarráðherra sem telur heppilegt að þessi sala fari fram", það er sú afstaða sem mér þykir óskyljanleg. Annars finnst mér iðnaðarráðherra því miður hafa lítið verið áberandi í þessu máli.

Þessu nýju lög eru loðin og það fer ekkert á milli mála að ef að þessi hlutur OR verður seldur kanadíska fyrirtækinu Magma energy, þá er það gríðalega stórt skref í að einkavæða eitt stærsta orkufyrirtæki landsins. 

 

[Sólveig (IP-tala skráð) 19.8.2009 kl. 09:52]

Sveitarfélög eða ríkið geta framselt rétt sinn til nýtingar á orku og þar sem vatnalögin tryggja afnotarétt til 65 ára og "Handhafi tímabundins afnotaréttar skal eiga rétt á viðræðum um framlengingu réttarins þegar helmingur umsamins afnotatíma er liðinn"... þetta er langur tími og fjallar um nokkrar kynslóðir fram í tímann.

Ef um væri að ræða lífeyrissjóð eins og þú segir þá væri þetta ekki sama mál. Magma energy er kanadískt einkafyrirtæki sem fer með arðinn beint í sinn eigin vasa..

[Sólveig (IP-tala skráð) 19.8.2009 kl. 10:48]

Arnar: hér er frétt sem segir frá afstöðu Katrínar

[Rúna (IP-tala skráð) 19.8.2009 kl. 14:04]

Ég var að skoða hver stæði á bakvið Magma Energy, eftir stutta leit þá er það ljóst að Glacier Partners sem er gamli Glitnir í NY hefur aðstoðað Magma við kaupin, verið ráðgefandi og slíkt.

Um eignartengsl milli Magma og Glacier veit ég ekki enn.. en mér finnst þetta ansi loðið og pínu eins og verið sé að fela einhverja slóð.